Últimas novas no Observatorio

Nace unha fronte lingüística contra a discriminación pública do valenciano

Observatorio — Wed, 10 Mar 2010 04:49:21 -0500

A plataforma "Sí al valencià", integrada por cen colectivos, esíxelles ás Cortes valencianas que inclúan o dominio da lingua para traballar na Administración. Todos os sindicatos e os partidos, agás o PP, adhírense á iniciativa.

Fonte: Levante

A Asemblea Nacional lexislativa de Ecuador presenta a nova Constitución traducida ao quechua

Observatorio — Wed, 10 Mar 2010 04:00:14 -0500

A Asemblea Nacional Lexislativa de Ecuador presentou a nova Constitución do país, aprobada en setembro de 2008, traducida ao idioma quechua, no marco dunha disposición da propia Carta Magna sobre o proceso de inclusión das etnias indíxenas do país.

Fonte: EFE

China creará unha biblioteca sonora de todos os idiomas e dialectos do país

Observatorio — Wed, 10 Mar 2010 03:54:28 -0500

China creará unha base de datos sonora de todas as linguas e dialectos do país, para o que recolle gravacións e vídeos de persoas de diferentes etnias. O obxectivo desta base de datos é protexer a riqueza lingüística do país.

Fonte: Diario de Yucatán

A Asociación Além Guadiana de Estremadura divulga o portugués oliventino na escola

Observatorio — Wed, 10 Mar 2010 03:49:07 -0500

A colaboración entre o Colexio Público Francisco Ortiz de Olivenza e a Asociación cultural Além Guadiana está permitindo divulgar o portugués oliventino entre alumnos de primaria da localidade.

Fonte: Europa Press

A Mesa do Parlamento de Galicia rexeita debater a iniciativa popular da plataforma Queremos Galego

Observatorio — Wed, 10 Mar 2010 03:42:44 -0500

A Mesa do Parlamento rexeitou admitir a trámite a iniciativa lexislativa popular (ILP) presentada pola plataforma Queremos Galego, aludindo aos informes xurídicos da propia Cámara. A ILP só contou co apoio dos representantes do BNG, e o seu contido pretende garantir a posibilidade do uso do galego ante a Administración, desenvolvendo a Lei de normalización lingüística e a Carta Europea de Linguas Minoritarias.

Fonte: La Voz de Galicia

Política Lingüística impulsa a creación de materiais pedagóxicos e lúdicos en lingua galega a través da obra ‘Xadrez para todos’

Observatorio — Tue, 09 Mar 2010 06:45:08 -0500

A Secretaría Xeral de Política Lingüística segue a traballar para garantir unha ampla e variada oferta de materiais pedagóxicos e lúdicos en lingua galega. O departamento que dirixe Anxo Lorenzo vén de facer posible a edición en galego dun novo volume de Xadrez para todos, unha colección composta por diversos manuais de iniciación e perfeccionamento deste antigo xogo de estratexia.

Fonte: Xunta de Galicia

A Unesco publica un novo estudo sobre a diversidade lingüística en internet

Observatorio — Tue, 09 Mar 2010 04:18:56 -0500

A Unesco, xunto coas organizacións Funredes e Unión Latina, publica Douze années de mesure de la diversité linguistique sur l’Internet : bilan et perspectives (Doce anos de medida da diversidade lingüística en internet: balance e perspectivas).

Fonte: Emarrakech.info

O Concello de Llodio pon en marcha un servizo de coidadores en éuscaro

Observatorio — Tue, 09 Mar 2010 03:49:04 -0500

As familias que desexen contar con coidadores ou profesores particulares que atendan os seus fillos en éuscaro contan desde agora cun novo servizo que puxo en marcha o Concello de Llodio.

Fonte: El Correo

O Tribunal Constitucional avala o uso do asturiano ante a Administración autonómica

Observatorio — Tue, 09 Mar 2010 03:38:26 -0500

O Tribunal Constitucional avala a legalidade do uso do asturiano por parte dos cidadáns na súa relación coa Administración autonómica. Nun auto, a institución pronúnciase nese sentido en relación coa cuestión formulada por un xulgado de Oviedo, que cuestionaba que o artigo da Lei de uso e promoción do asturiano que regula ese aspecto concreto se axustase á Carta Magna.

Fonte: El Comercio Digital

Os eurodeputados exercen presión para que o catalán, o vasco, o galego, o galés e o gaélico escocés sexan recoñecidos na UE

Observatorio — Tue, 09 Mar 2010 03:34:11 -0500

O catalán, o vasco, o galego, o galés e o gaélico escocés deben ser linguas oficiais da Unión Europea, afirmaron os eurodeputados, que acusan a Bruxelas de non protexer "os dereitos de millóns de falantes de linguas non oficiais da Unión Europea" e apelan as institucións europeas a facer "moito máis" para promover o plurilingüismo.

Fonte: Eurasia Review