Osservatòriu de sa Limba Galitziana


Bene bènnidu/a a sa pàgina web de s'Osservatòriu de sa Limba Galitziana. In custa pàgina s'ant a pòdere agatare informatziones de interessu subra de sa limba pròpia de Galìtzia e a propòsitu de su traballu isvilupadu dae custu ente finas a como.

S'Osservatòriu de sa Limba Galitziana s'est costituidu in su 2007 e est un'initziativa de sa Segreteria Generale de Polìtica Linguìstica de sa Giunta de Galìtzia (Guvernu autònomu de Galìtzia, Ispagna) chi tenet comente finalidade fundamentale sa de otènnere una connoschèntzia de prima manu subra de sa situatzione de sa limba galitziana in sa sotziedade de Galìtzia, informatzione chi s'at a pòdere agatare in custa pàgina web.

In prus, in custa web b'at, in mesu de àteras risorsas, documentatzione sotziulinguìstica subra de sas limbas de Ispagna e de su restu de su mundu. S'Osservatòriu de sa Limba Galitziana cheret, difatis, agiuare in sa divulgatzione de sa diversidade linguìstica de su mundu, e in sa promotzione de sas limbas regionales e minoritàrias. Pro currispòndere a custu propòsitu, custa pàgina web tenet una setzione de noas atualizada cada die subra de sa realidade linguìstica mundiale e unu bulletinu eletrònicu publicadu cada chida.

Tando, l'invitamus a visitare sa pàgina web nostra in una de custas limbas: galitzianu, ispagnolu e inglesu, e a si nche marcare a su bulletinu. Si Vostè si disìgiat prus informatziones subra de s'Osservatòriu de sa Limba Galitziana, podet imbiare una lìtera eletrònica a info@observatoriodalinguagalega.org.

Bortadu dae Diegu Corràine